 Вялейскі мастак-жывапісец Эдуард Мацюшонак зьявіўся на свет пад сузор’ем Рыб 7 сакавіка 1958 года ў в. Мнюта-2 Глыбоцкага раёна Віцебскай вобласці. З дзяцінства вызначаўся невытлумачальным імкненнем зразумець душу чалавека, жаданнем разгадаць таямніцы прыроды.
Жыццёвае крэда: “Кожнае імгненне, як і душа, непаўторнае. Беражы гэта”.
1973 г. – скончыў Суклінскую 8-гадовую школу
1973-1977 гг. – вучоба ў Віцебскім станка-інструментальным тэхнікуме
1977-1979 гг. – служба ў войску
1979-1984 гг. – вучоба ў Віцебскім педінстытуце (мастацка-графічны факультэт)
з 1984 года – з сям’ёй жыве і працуе ў Вялейцы ў СШ №2 (цяпер гімназія №1 “ЛОГАС”) настаўнікам сусветнай мастацкай культуры і выяўленчага мастацтва
з 1998 года – кіруе ў гімназіі студыяй выяўленчага мастацтва “ВЯСЁЛКА”
з 1986 года – пачынае актыўную творчую дзейнасць; прымаў удзел у рэспубліканскіх маладзёжных выставах (г. Менск), у Рэспубліканскай мастацкай выставе “Экалогія” (г. Мінск), у выставе, прысвечанай 100-годдзю В. Стрэмінскага (г. Вялейка)
у 1989 г. – прыняты ў Маладзёжнае аддзяленне пры Саюзе мастакоў СССР
Персанальныя выставы
1986, 1992, 2000, 2004 гг. – г. Вялейка
1987 г. – г. Менск, Палац Прафсаюзаў
1989 г. – г. Петрапаўлаўск-Камчацкі, агітацыйнае судна “Карчагінец”
1994 г. – г. Гютэрслоў, Германія (Дні Беларусі ў Германіі)
1997 г. – г. Вілейка, адкрыццё Выставачнай залы ім М. Сілівановіча
2005 г. – г. Глыбокае
2005 г. – г. Мядзел
2006, 2007 гг. – г. Паставы
З 1984 года ў Вялейцы працуе гарадская студыя выяўленчага мастацтва, якой кіруе ўсе гэтыя гады Э. Мацюшонак.
Жонка Алена – настаўнік па адукацыі і мастак у душы і па жыцці, выкладае выяўленчае мастацтва і працоўнае навучанне ў гімназіі № 1 “ЛОГАС”. Сын Уладзімір, названы ў гонар дзядулі, вылучаецца дабрынёй і грунтоўнасцю, любіць маляваць і канструяваць. Дачка Святлана, як святло, якое па-над небам і зямлёй. Пайшла па шляху бацькоў. Вучыцца на мастацка-графічным факультэце Віцебскага педуніверсітэта імя П.М. Машэрава
Галоўная тэма творчасці мастака – родная Бацькоўская зямля і філасофія жыцця на гэтай зямлі. Цераз пяшчоту і прыгажосць ідзе пошук шляхоў паразумення і еднасці людзей паміж сабой, еднасці паміж людзьмі і прыродай. Тэматычная і сюжэтная разнастайнасць твораў – сведчанне глыбіні пачуццяў, здольнасць бачыць прыгажосць і веліч у звыклых простаму воку матывах. Эдуард Мацюшонак звычайна працуе ў тэхніцы алейнага жывапісу. Творы яго размешчаны ў прыватных калекцыях у нашай краіне і за яе межамі. Мастак заўсёды знаходзіцца ў творчым пошуку. |
